Kisan Aur Badshah Ki Kahani - Dilchasp Sabaq Amoz Urdu Kahani - Story

badshah-aur-kisan-ki-kahani-sabaq-amoz-kahani-sabaq-amoz-waqia

Aik mulk ka badshah bohat reham dil aur naik tha.
 woh reaya ke haq mein bohat ahcha tha chunancha tamam reaya is se mohabbat karti thi aur ussay khoob duayen deti thi. isi mulk ke aik door daraaz gaon mein aik kisan rehta tha jis ki yeh khwahish thi ke woh apne naik dil badshah ki ziyarat ko jaye aur is ki khidmat mein koi tohfa paish kere. is ne apni biwi se kaha ke mai badshah se milnay ke liye jana chahta hon aur meri khwahish hai ke mein usay koi tohfa bhi donn. tum mujhe mahswara do ke mein badshah ke huzoor kia tohfa le kar jaoon? “ biwi ne kuch der socha aur kaha ke ”badshah ke paas to har cheez ho gi, hum usay kya tohfa day satke hain? haan! hamaray ghar ke paas behnay walay chashmay ka pani bohat meetha aur thanda hai aur mjhe yaqeen hai ke aisa pani poooray malik mein kahin bhi nahi ho ga hatta ke badshah ke paas bhi nahi ho ga. mera mahswara hai ke tum badshah ke liye yeh pani le jao. “ kisan ko yeh tajweez bohat pasand ayi aur is ne apne chashmay se pani ke 2 gharrey bharay aur apne gadhay par laad kar badshah se mulaqaat ke liye rawana ho gaya. . kayi hafton ke safar ke baad kisan badshah ke mehal taq poanch gaya aur is se mulaqaat ki ijazat chahi. ijazat milnay par badshah ko tohfa paish kya aur ussay bataya ke yeh mere gaon ke chashmay ka pani hai aur aisa meetha aur thanda pani aap ko poooray malik mein kahin bhi nahi miley ga. badshah ke isharay par wazeer ne gharrey ka dhakkan uthaya to kayi hafton ke safar ki wajah se pani mein badboo peda ho gayi thi. wazeer ne badshah ki taraf dekha to badshah ne usay khamosh rehne ka ishara kya aur baaawaz buland kaha ke hum is tohfay se bohat khush hue aur khazanchi ko hukum diya ke is kisan ke gharon ko sonay se bhar diya jaye. kisan bohat khush huwa. badshah ne wazeer ko bulaa kar chupkay se kaha ke pani ko gira dena aur wapsi par is kisan ko is raste se guzaarna jahan hamaray chashmay hain taakay is ilm ho ke hamaray paas pani ke kitney chashmay hain aur un ka pani kitna thanda aur Farhat bakhash hai. chunancha jab kisan ko inamaat dainay ke baad un chshmon ke paas se guzaraa gaya to woh samajh gaya ke is ka tohfa kitna haqeer tha lekin badshah ne uskay haqeer tohfay ko bhi qubool kar ke usay inaam se nawaza. chunancha is ke dil mein badshah ke liye mohabbat o aqeedat aur barh gayi .

hamari ebadaat ka bhi yahi haal hai. hum jo tooti phooti ibadat karte hain to hum usay bohat achi samajte hain aur apne maalik ke huzoor paish karte hain. un ebadaat ki haqeeqat maloom honay ke bawajood woh maalik al-mulk nah sirf hamari un ebadaat ko qubool karta hai balkay inaam ke tor par besh baha nematon se bhi nawazta hai halaank usay hamari ibadatoon ki zaroorat nahi hai. khalqِ e kaayenaat ki ibadat ke liye to is ke lakhoon karorron farishtay hi kaafi hain. zara sochye! agar hum un tooti phooti ibadatoon ko paish kar ke is ki naematain haasil karne walay bhi nah rahen to phir duniya mein hamaray jaissa badnaseeb bhi koi nah ho ga. ..! kis qader dilchasp aur anokhi baat hai ke ataa karne wali woh zaat-e Aqdas to har waqt dainay ke liye tayyar hai lekin hamaray paas hi lainay ke liye waqt nahi hai. kash ke hamein is baat ki samajh aa jaye warna jab marnay ke baad samajh aeye gi to bohat der ho chuki ho gi. hamein abhi se sochna ho ga

mazeed aisi kahaniyon ke liye yahan click karein