Hazrat Nooh Ali Salam Ka Waqia - Hazrat Nooh A.S Ki Age - Hazrat Nooh A.S Ka Qissa - Urdu - Hindi - Hazrat Nooh Ali Salam Ki Dua - Hazrat Nooh Ali Salam Ki Kashti - Kahani - حضرت نوع کا واقعہ- قصہ -کشتی -کہانی 
HAZRAT SYYEDINA NOOH ALI SALAM

Hakim mustadrak bayan karte hain ke, inka naam ABDUL GHAFFAR hai aur chunke ye apni zaat ke liye bakasrat roya karte the isi liye inka naam NOOH pad gaya. Aur Hakim ye bhi kehte hain ki aksar sahaba (Rizwanullah Alaihim Ajmayeen) NOOH alaihissalam ke IDREES Ali Salam se pehle hone ko mante hain. NOOH Ali Salam Bin LAMK ibne MATOOSHALAKH ibne AKHNOOKH.. Aur mash hoor qaul ke mutabiq AKHNOOKH hi IDREES Ali Salam hain . Aur Tibrani hazrat abi zar ( Rahmatullahi Allaih) se riwayat karte hain ke unho ne kaha. “mai ne rasool allah Sallallahu Alaihi Wasallam se arz ki key a Rasool Allah (SAWS) sab se pehle nabi kon hain? Rasoolallah SAWS ne irshad farmaya ADAM Ali Salam, mai ne kaha phir kaun? Irshad kiya hazrat NOOH Ali Salam ,aur Hazrat ADAM aur NOOH ke darmayan 20 sadiyan (20 centuries) hain” yani 2 hazar saal ka arsa. aur mustadrak me ibn e abbas raziallahu anhu se marwi hai, unho ne kaha “ADAM aur NOOH ke darmayan 10 sadiyo (10 centuries) ka fasla tha.” Mustadrak hi me ibn e abbas Rahmatullahi Allaih se marfooan marwi hai ke “khuda ta’ala ne NOOH Ali Salam ko 40 saal ki umr me risalat ke saath maboos farmaya, pas wo 950 saal zinda rehker apni qaum ko khuda ki taraf bulate rahe…aur toofaan ke baad 60 saal zinda rahe, yahan tak ke inke samne hi admiyo ki kasrat hogai aur wo dunya me khoob phail gaye.”Quraan me bhi aap ki umr 950 saal batai gai hai. (nooh Ali Salam ko adam e saani bhi kaha jata hai, aur nooh Ali Salam sabse pehle rasool the

Hazrat Nooh (Ali Salam) Pure Jee-Jaan Se Aur An-Thak Tarike Se Apni Qaum Ko Deen Ki Daawat Dete Rahe. Jab Qoum Ke Kuch Hi Logo Ne Imaan Laya, Aur Baqi Hatdharam, Ziddi, Aur Nooh (Ali Salam) Ko Takleef Dene Wale Aur Unka Mazaaq Udaane Wale Rah Gaye Toh Nooh (Ali Salam) Ne Duwaa Ki, “Aye Mere Rab Inn Logo Ne Mujhe Jhutlaa Diya Hai, Ab Tu Hi Meri Madad Farma”. Tab Allah Ta’ala Ne Nooh (Ali Salam) Ki Taraf Wahee Ki, “Hamari Nigraani Aur Hidaayat Ke Mutaabiq Kashti (Naav) Banaavo ! Fir Jab Hamaara Huqm Aa Jaaye Aur Tanoor Ubalne Lage Toh Har Kisam Ke Jaanwar Aur Parindo Ke Jode Se Do (Nar Aur Maada) Iss Me Baitha Lena Aur Apne Gharwalo Ko Bhi (Imaan Walo Ko). Aur Jin Logo Ne Zulm Kiya (Kaafir) In Ke Baare Me Mujh Se Koi Sawaal Mat Karna, Kyonki Woh Sab Paani Me Garq Kar Diye Jaayege. Aur Fir Tum Aur Jo Tumhaare Hamraah Ho Kashti (Naav) Me Achchi Tarha Baith Jaaye Toh Kehna “Sab Ta’areef Allah Ta’ala Ke Liye Hai, Jis Ne Hame Zaalimo Se Nizaat Di” Aur Ye Bhi Kehena “Mere Rab Hame Barqat Wali Jagaah Par Utaarna, Aur Tu Sab Se Behtar Utaarne Wala Hai”. Aur Fir Jab Nooh (Ali Salam) Ne Sab Ko Kashti Par Sawar Kar Liya Toh Zameen Se Paani Ubalna Shuru Ho Gaya Aur Tez Muslaadhar Baarish Hone Lagi. Chaaro Taraf Paani Hi Paani Ho Gaya. Kaafir Apni Jaan Bachane Ke Liye Unchi Jagaho Par Jaane Lage. Ab Nooh (Ali Salam) Ki Kashti (Naav) Paani Me Upar Uthne Lagi. Nooh (Ali Salam) Ne Dekha Ki Unka Kaafir Beta Pahaadi Par Ja Rahaa Hai Toh Nooh (Ali  Salam) Ne Use Aawaaz Di, “Beta Jaldi Se Naav Me Sawaar Ho Jaa”. Uss Ne Jawwab Diya, “Mai Pahaadi Par Ja Rahaa Hoon Wahaa Mai Bach Jawooga”. Nooh (Ali Salam) Ne Kahaa, “Aaj Koi Nahi Bachne Wala”. Aur Unke Dekhte Hi Dekhte Ek Unchi Lahar Uthi Aur Unke Bete Ko Bahaa Le Gayee. Nooh (Ali Salam) Ne Kahaa, “Aye Mere Rab Mera Beta Mere Apno Me Se Hai”. Allah Ta’ala Ne Farmaaya, “Tumhe Jis Baat Ka Ilm Nahi Uske Baare Me Sawaal Mat Karo, Wo Kaafiro Me Se Tha Tumhaare Apno Me Se Nahi, Tumhaare Apne Wo Hai Jo Imaan Laaye”. Kayee Dino Tak Muslaadhar Baarish Hoti Rahi Aur Zameen Se Bhi Paani Nikalta Rahaa. Jahaa Tak Bhi Nazar Jaati Thi Har Taraf Paani Hi Paani Tha. Sabhi Kaafir Aur Unke Boot Aur Jo Kuch Bhi Zameen Par Tha Sab Paani Me Garq Ho Gaye. Fir Allah Ta’ala Ne Aasmaan Ko Huqm Diya Ki Paani Barsaana Rok De, Aur Zameen Ko Bhi Huqm Diya Ki Apna Paani Nigal Ja. Kashti Kayee Dino Tak Paani Me Tairti Rahi. Kashti Me Chuhe (Mouse) Ho Gaye Jo Anaaj Ke Galle Ko Nuqsaan Pahuchaane Lage. Nooh (Ali Salam) Ne Allah Ta’ala Se Duwaa Ki, Allah Ta’ala Ne Kahaa Sher (Lion) Ki Pust Par Haath Maaro. Nooh (Ali Saalm) Ne Sher Ki Pust Pe Haath Maara Toh Billi (Cat) Paida Huyee Aur Usne Saare Chuho Ko Khaa Liya. Isi Tarha Kashti (Naav) Me Gandagi Paida Hone Lagi Toh Nooh (Ali Salam) Ne Fir Allah Ta’ala Se Duwaa Ki, Allah Ta’ala Ne Kahaa, “Haathi (Elephant) Ki Pust Par Haath Maaro”. Nooh (Ali Salam) Ne Haathi Ki Pust Par Haath Maara Toh Badjaanwar (Pig) Paida Huwaa Aur Usne Saari Gandagi Saaf Kar Di