Aik Ajeeb Hakeem Ki Ajeeb Kahani - Motivational Urdu Story - New Story

motivational-urdu-hindi-story-sabaq-amoz

Aik Ajeeb Hakeem Ki Ajeeb Kahani

Ooper Wala Sab Dekh Raha Hai

Motivational Urdu Story

Khuli Chatton K Diyye Kab K Bujh Gaye Hoty
Koi To Hai Jo In Hawaon k Par Kutar Deta Hai

Aik Baar Ki Baat Hai Aik Hakeem Ka Dawakhana Tha. Aur Dawakhany k Lye Jab Jab Wo Subah Ghar Sy Nikalty Thy. Unki Bv Unko Aik Chithi Dia Krti Thi. Us Chithi Main Ghar K Lye Samaan Likha Hota Tha. Dawakhany Pohanch Kar Us Chithi Ka Hisab Lagaty Thy. Aur Jitny Rupy Banty Thy Utny He Rupy Jab Tak Na Hon Tab Tak Wo Mareezo Sy Fees Lety Thy. Usky Baad Fees Nahi Lety Thy. Chahy Jitna Ameer Mareez A Jaye.

Aik Din Wo Dawakhany Pohnchy Apni Chithi Kholi Unhon Ny To Us Main Dekha Ghar K Lye Saamaan Likha Huwa Tha. Aur Neechy Beti Ki Shadi K Lye Saamaan Likha Tha. Hakeem Saab Ko Samajh Nahi Aya K Itna Rupya Aye Ga To Aye Ga Kahan Sy? Wo Ye Sab Soch Rahy Thy Is Sab K Beech Main Unky Dawakhany k Samny A Kar Aik Car Ruki. Car Main Sy Aik Aadmi Bahir Nikla. Dawakhany Main A Kar Betha. Hakeem Saab Ny Kaha Btao Bhai Kya Bemari Hai? To Unhon Ny Kaha Shayed Aap Ny Pehchana Nahi. Barson Pehly Main Yahan Aya Tha Mera Naam Ahmad Hai. Aur Meri Car Aap K Dawakhany k Aagy A Kar Ruk Gai Thi. Kiu k Puncture Ho Gai Thi. Mera Driver Puncture Bana Raha Tha. Is Sab K Beech Main Mujy Chaon Chahye Thi. Main Aap K Dawakhany Main A Kar Beth Gya Tha. Betha Huwa Tha To Aap K Paas Aik Choti Bachi Choti C Guriya Aap Ko Baar Baar Kheench Rahi Thi Keh Rahi Thi Chalo Baba Chalain Ghar Par Bhook Lagi Hai Khana Khana Hai. Laikin Aap Ja Nahi Rahy Thy.

Kiu K Aapko Lag Raha Tha K Shayed Main Bemar Hun Ya Mujy Kuch Chahye. To Mujy Laga k Ab In Sy Kuch Ly He Lety Hain. To Main Ny A Kar Aapko Apni Bemari Btai Hamary Bachy Nahi Ho Rahy Thy. Aap Ny Baat Cheet K Beech Main He Aik Puriya Banai Aur Mujy Dawai Di. Main Aapko Paisy Deny Laga To Aap Ny Mana Kar Dia. Main Aap Sy Zid Karny Laga Jo Fees Banti Hai Wo Lijye. Tabi Wahan Par Aik Aadmi Aya Unhon Ny Btaya k Aaj Ka Hakeem Saab Ka Hisab Poora Ho Gya. To Mujy Aapki Poori Kahani Samajh Main Ai K Aap Itny He Rupy Lety Hain Jitna Ghar K Lye Saamaan Chahye Hota Hai. Wo Dawai Hum Ny Li Aaj Hamary 2 Bachy Hain. Aaj Main Shehar Main Aya Tha Aur Apni Bhanji K Lye Shadi Ka Saamaan Khareed Raha Tha To Mujy Maloom Nahi Kiu Wo Choti Guriya Yaad A Rahi Thi. To Jo Saamaan Leta Ja Raha Tha Usy Repeat Karta Ja Raha Tha 2 2 Saamaan Le Raha Tha. Ye Baat Sunny K Baad Hakeem Saab Ki Ankhain Chori Ki Chori Reh Gai Unhain Samajh Nahi Ai k Kya Huwa Hai. Unhon Ny Kaha k Aap Yaqeen Nahi Krain Gay Ahmad Bhai Aaj Subah Jo Meri Bv Ny Chithi Di Hai Us Main Beti Ki Shadi K Lye Saamaan Sab Sy Neechy Likha Hai.

Ooper Wala Her Waqat Hamary Sath Hota Hai Bus Thora Sa Intzar Karna Hota Hai.